آذربایجانین ینی ادبیات باغچاسینین پارالاق اولدوزلاریندان بیری اولان بختیار واهاب زاده دونیاسین دئیشدی
بو آجینی و بو دریدی بوتون آذربایجان ادبیاتین سون لره تسلیت دییب هامییا باش سالیغی تانریدان دیله ییره م
بیر شعر بختیار وهابزاده دن:
آللاه
ايدراکدا يول آچميش گئجه دن گوندوزه آللاه،
گولدورمه سه ن اؤز کؤنلونو، گولمز اوزه آللاه
دونيايا شفقلر کيمي تانريم سپلنميش،
قلبين گؤزو يانماسا، گؤرونمز گؤزه آللاه.
آللاه! بيليريک جيسم دئييل، بس ندير آللاه؟
ان يوکسک اولان حاقدا، حقيقت ده ير آللاه.
دوندونسا تکامل و گؤزلليک قاباغيندا،
درک ائت بو، تعجوبده، بو حئيرتده دير آللاه.
بيلديک، بيليريک، گيزليدير اينساداکي قدرت،
هر کس اونو فهم ائتمه سه ، عاجيزدير او، البت.
اينسانين ازل بورجودور اينسانليغا حؤرمت،
اينسانليغا حؤرمتده، لياقتده دير آللاه.
گئرچک ده بودور: گيزليدير هر ذره ده وحدت.
بير ذره ايکن کله قوووشماق اولو نيت.
گؤردوکلريميز ظاهيردير، بطنه نفوذ ائت!
باطنده کي ، جؤوهرده کي فيطرتده دير آللاه.
فيطرت ده ياتير سؤزده، سؤزون اؤز يوکو فيکريم.
سئچميش، سئچه جک دايما توکدن توکو فيکريم.
من بير آغاجام، يارپاغي سؤزلر، کؤکو فيکريم،
سؤزلرده دئييل، سؤزده کي حيکمتده دير آللاه.
اينسان! تپه دن ديرناغا سن آرزو، ديلکسن،
نفسينده دويومسوز، فقط عشقينده ملکسن.
ظولمون اوزونه حاق دئييلن شيلله ني چکسن،
شيللنده مؤهورلنميش او غئيرتده دير آللاه.
جاهيل ائنر آلچاقليغا، اؤز قلبينه يئنمز،
ويجداندان اگر دؤنسه ده، خيريندن او دؤنمز.
ظولمتده، جهالتده، عداوتده گؤرونمز،
ايلقاردا، صداقتده، محبتده دير آللاه.
1984
